2. ZIKLOA

Gure ikasleek Euskal Girotze Barnetegian bizitzen ari diren une bereziak zuekin partekatu nahi ditugu, argazkien bidez. 4 eguneko barnetegia izanik, egunero argazkiak igotzen ahaleginduko gara, zuen seme-alaben egunerokotasuna ikusi ahal izateko. Honako esteka honen bidez izango dituzue ikusgai: 👉 Argazkiak ikusi hemen Eskerrik asko zuen konfiantzagatik eta seme-alabak esperientzia aberasgarri honetan parte hartzera animatzeagatik. Ziur gaude egun ahaztezinak bizitzen ari direla!

Eskolan denbola luzez BIKINI liburu zoragarria lantzen egon eta gero, bere idazlea Garazi Kamio etorri zaigu bisitan eskolara. Gauza pilo bat ikasi ditugu berarekin, galderak egin dizkiogu eta berak ere liburuaren irudiak nola egiten direnaren prozesua erakutsi digu.  Guk liburuaren gainean egindako lana erakutsi diogu eta 2. partea egitea proposatu diogu, asko gustatu baitzaigu.  Animatzen zaituztegu liburua irakurtzera! Hemen argazki gehiago ikusgai. 

 LH4. mailako ikasleok Inesa Gaxenen antzerkia egin dugu.  Eskolan emanaldi ezberdinak egin ditugu baino zuekin partekatzea gustatuko litzaiguke ere, beraz HEMEN bideo guztiak dituzue. Zuen gustukoa izatea espero dugu.  Inesa Gaexen sorgintzat hartu zuten emakume ausarta zen eta asko ikasi dugu bere bizitzaren inguruan. 

  Kaixo lagunak! Laugarren mailako ikasleok euskal mitologia eta sorginkeriaren inguruko lan sakona egin dugu. Egindako lan guztiak   liburu magiko   batean bildu ditugu eta liburu hau etxez-etxe joango da gure lana ikusi ahal izateko.  Zuen gustukoa izatea espero dugu.  Hemen  ere badituzue prozesuaren argazki batzuk. 

  Kaixo lagunak! Gure azken abenturan, Lehen Hezkuntzako hirugarren mailako ikasleak Arantza herrian egon gara. Txoko desberdinak bixitatu ditugu, bertako jendearekin hizketan aritu gara eta San Juan Xar ezagutu dugu. Eguraldia lagun izan dugu eta janari goxo goxoaz disfrutatu dugu. Hemen uzten dizuegu gure egonaldiaren laburpen bideoa.  Egin klik eta gozatu! Laster arte!

 Kaixo familiak! 3. eta 4. mailako ikasleok Irun parkez-parke pixka bat gehiago ezagutu dugu.  Oso ondo pasa dugu, ezagutzen ez genituen parkeak ezagutu ditugu eta horien galdetegi bat bete dugu, gure gelako lanketarekin jarraitzeko.  Hemen argazki batzuk dituzue.